ወንጌል መስበክ ያለበት ማን ነው?

አንዳንድ ሰዎች የወንጌል ስብከት ተግባርን ለሰባኪዎች፣ ለአቅበተ እምነት አስተማሪዎች፣ ወይም ለመጽሐፍ ቅዱስ መምህራን ብቻ ትተውታል። ነገር ግን አዲሱ ኪዳን ሁሉም ክርስቲያን አገልጋይ እንደ ሆነ እና ወንጌልን ሊሰብክ እንደሚገባ ይናገራል።

• ምሳሌ ትተውልናል፦ የመጀመሪያዎቹ ክርስቲያኖች በኑሯቸው ሁሉ ወንጌልን ይሰብኩ እንደነበር መጽሐፍ ቅዱስ ይነግረናል፦ “የተበተኑትም በሄዱበት ሁሉ ቃሉን ሰበኩ” (የሐዋርያት ሥራ 8፥4፤ 11፥19-21)። ሁሉም ደቀ መዛሙርት ከኢየሩሳሌም በተበታተኑ ጊዜም ወንጌሉን እየተናገሩ እንደ ነበር እናነብባለን።

• ታዝዘናል፦ ጴጥሮስ በመልእክቱ፣ “በእናንተ ስላለ ተስፋ ምክንያት ለሚጠይቋችሁ ሁሉ መልስ ለመስጠት ዘወትር የተዘጋጃችሁ ሁኑ፤ ነገር ግን በፍርሀት እና በየዋህነት ይሁን” ይለናል(1ኛ ጴጥሮስ 3፥15)።

• ፍቅር ግድ ይለናል፦ ጎረቤታችንን እንደ ራሳችን መውደድ ካለብን (ማርቆስ 12፥31፤ ያዕቆብ 2፥8)፣ ወንጌልን ለእርሱ/ሷ ከመናገር በላይ እውነተኛ መውደድ ከየት ይገኛል?